BAYANG 'DI PINABAYAAN
( Tribute to IGLESIA NI CRISTO )
Diyos ang umalalay, At s'ya mong naging gabay.
Sa harap ng kaaway, Ikaw ay nag tagumpay.
Sinakop ang kapuluan, Ibayong dagat nilakbay.
Palibhasa'y may hula at pangakong dalisay.
'Di ka nagpalupig sa banta ng sanlibutan.
Iyong pinatunayan, Na ikaw ang katawan.
'Di nag alinlangan at ika'y nanindigan,
Bagama't ikaw ma'y, mumunting kawan.
Ikaw ay Bayang Hinanap, Pinuno ng basbas.
Dumaan man ang hirap, Lalo kang lumalakas.
Sa Timugan at Hilagaan, ay iyong ipinamalas.
Na ikaw ang kawan, na s'yang ililigtas.
Bagama't may pang-uusig, Hindi ka naligalig.
Ikaw man ay niyurakan ng hindi kapanalig.
Bisig ay ini-unat at ikaw ay nag tindig,
Subukan mang ilugmok, ng buong daigdig.
At sa pag gunita ngayon ng 'yong kaarawan,
Aking naaalala, yaring aking kahalalan.
Sa iyong pagbangon, 'Di mo 'ko pinagsarhan.
Maligayang KAARAWAN... BAYANG 'DI PINABAYAAN!!!
by : CLIFFORD VINE C. PIA
Walang komento:
Mag-post ng isang Komento